परिचय:

नेपाल वैदेशिक रोजगार एजेन्सीहरूको संघ नेपालका ८५३ म्यानपावर एजेन्सीहरूको छाता संगठन हो । यसको प्राथमिक उद्देश्य श्रमिक र सदस्य संस्था दुवैको अधिकारको रक्षा गर्दै सुरक्षित वैदेशिक रोजगार सुनिश्चित गर्नु हो। संघले वैदेशिक रोजगार क्षेत्रलाई मर्यादित र व्यावसायिक बनाउन विभिन्न संवाद र अन्तरक्रिया कार्यक्रममार्फत सदस्यहरूलाई एकताबद्ध गरी क्षमता अभिवृद्धि गर्ने उदेश्य राखेको छ । वैदेशिक रोजगारी क्षेत्रमा हुने विसंगति र अस्वस्थ प्रतिस्पर्धा न्यूनीकरणका लागि तोकिएको निर्देशिकामा सदस्य निकायलाई काम गर्न बाध्य गराउन आचारसंहिता पनि संघले बनाएको छ ।

वैदेशिक रोजगार क्षेत्रमा प्रमुख सरोकारवालाको रूपमा संघले नेपाली आप्रवासी कामदारहरूको अधिकारको रक्षा गर्न श्रम सम्झौता र समझदारी पत्रमा हस्ताक्षर गर्ने जस्ता नीतिगत सुधारका लागि निरन्तर लबिङ र वकालत गर्ने उदेश्य राखेको छ । वैदेशिक रोजगारीमा नेपाली महिलाको पलायन बढ्दै गएको पृष्ठभूमिमा संघले महिलाको सुरक्षित पलायन सुनिश्चित गर्न अन्य सरोकारवालासँग समन्वय गर्छ । यसले तल्लो तहदेखि राष्ट्रिय स्तरसम्म श्रमिकको अधिकारको संरक्षण र प्रवर्द्धनका लागि सरकारी तथा गैरसरकारी सरोकारवालाहरूसँग नजिकबाट काम गर्छ । संघले आफ्नो लक्ष्य प्राप्तिका लागि बारम्बार राष्ट्रिय परामर्श, चेतनामुलक कार्यक्रम, गोलमेच सम्मेलन तथा सचेतना अभियान र सार्वजनिक र्‍याली, प्रदर्शनी, अन्तरक्रिया कार्यक्रम र सञ्चार माध्यमबाट सूचना प्रवाह गर्दै आएको छ ।