श्रम स्वीकृति नविकरण गर्नुपर्नेछ ? आफैले श्रम नवीकरण जान्नुभएन ?

तपाइको श्रम स्वीकृति नविकरण गर्न कति शुल्क लाग्छ ? आफैले क्यालकुलेट गर्नुहोस् ।  

(नोट: सेवा (शुल्क) नेपाली रु. ३००/- भन्दा बढी नतिर्नुहोला ।) 

>> Online Calculator

नेपालबाट वैदेशिक रोजगारमा जानु अघि श्रम स्वीकृति (Labour Approval) लिनु अनिवार्य छ, किनभने यसले वैदेशिक रोजगारमा जाने नेपाली कामदारहरूको कानुनी, सामाजिक र आर्थिक सुरक्षाको सुनिश्चितता गर्न भूमिका खेल्छ । नेपाल सरकारले वैदेशिक रोजगारलाई व्यवस्थित बनाउन श्रम-स्वीकृति प्रक्रियालाई कानुनी रुपमा लागू गरेको छ । श्रम स्वीकृति लिएर वैदेशिक रोजगारमा गएका नेपाली कामदाहरुको वैदेशिक रोजगारलाई कानुनी मान्यता दिन्छ । श्रम स्वीकृति बिना वैदेशिक रोजगारमा गएमा गैरकानुनी मानिन्छ, र कामदारलाई विदेशमा कुनै पनि कानुनी सुरक्षा नहुँदा सरकारले सहयोग नगर्न सक्छ । 

श्रम स्वीकृति प्राप्त गरेका कामदारले सम्बन्धित देशको श्रम कानुन अन्तर्गत निर्धारित अधिकार, सुविधा र सुरक्षाको लाभ उठाउन सक्दछन् । यो प्रक्रियाले कामदारलाई सुनिश्चित रोजगारी, निर्धारित तलब, र अन्य सुविधाहरू प्रदान गराउँछ । साथै श्रम स्वीकृतिपछि कामदारले नेपाल सरकारको बीमा योजनाहरू जस्तै दुर्घटना बीमा, मृत्यु बीमा र उपचार सुविधाहरूको लाभ लिन योग्य हुन्छन् । यदि वैदेशिक रोजगारीको क्रममा कुनै अप्रिय घटना भएमा बीमाबाट परिवारलाई राहत प्राप्त हुन्छ । श्रम स्वीकृति लिएर वैदेशिक रोजगारमा गएको कामदार बिदेशी भूमिमा मृत्यु भएमा नेपालसम्म ल्याउनेदेखि घरसम्म पुर्याईदिनेसम्मको जिम्मेवारी सरकारले नै लिन्छ । श्रम स्वीकृतिपछि कामदारको नाम नेपाल सरकारको वैदेशिक रोजगार विभागमा दर्ता भएको हुन्छ । यसले वैदेशिक रोजगारी सम्बन्धी सरकारी तथ्यांकलाई अद्यावधिक गर्न सहयोग गर्छ, र कुनै पनि आपतकालीन अवस्थामा कामदारलाई सहयोग उपलब्ध गराउन आधार प्रदान गर्दछ।