वैदेशिक रोजगारमा जाने क्रममा भिसा सक्कली छ वा छैन भन्ने कुरा चेक गर्नु अति आवश्यक छ । केही देशको भिसा आधिकारिक सरकारी वेबसाइटहरू वा सम्बन्धित दूतावासको पोर्टलमार्फत अनलाइन प्रमाणीकरण गर्न सकिन्छ, तर सबै देशको भिसा त्यसरी जाँच गर्न सकिदैन । 

भिसा सहि हो वा होइन भनि बुझ्दा ठगिबाट बच्न सकिन्छ । कतिपय देशहरू (जस्तै: यूएई, कतार, कुवेत, मलेसिया, आदि) का भिसा अनलाइन चेक गर्न सकिन्छ । ती देशका आधिकारिक इमिग्रेशन वेबसाइटहरूमा गएर पासपोर्ट नम्बर वा भिसा नम्बर प्रविष्ट गरी भिसा आए/नआएको आफैले चेक गर्न सकिन्छ। 

यदि कुनै देशको भिसा सहजै चेक गर्न सकिएन भने सम्बन्धित देशको दूतावास, कन्सुलर सेवा कार्यालय वा सम्बन्धित कार्यालयमा सम्पर्क गर्न सकिन्छ । साथै नेपाल सरकारको वैदेशिक रोजगार विभागमा गएर भिसाको सत्यता चेक गर्न सकिन्छ । भिसा आयो भनेकै भरमा पैसा दिनु हुँदैन । श्रम-स्वीकृति समेत गरेपछि मात्र पैसा तिर्छु भन्ने सर्त राख्नुपर्छ । नेपालबाट वैदेशिक रोजगारमा जान श्रम स्वीकृति लिनु आवश्यक हुन्छ । यदि भिसा नक्कली भएमा श्रम स्वीकृति प्राप्त हुँदैन । त्यसैले, श्रम स्वीकृति प्रक्रियाबाट पनि भिसाको वैधता सुनिश्चित गर्न सकिन्छ ।  

यसैले, विदेश जानु अघि भिसाको सत्यता अनिवार्य रूपमा जाँच गर्नुहोस् । हामीले तल बिभिन्न देशको भिसा प्रमाणीकरणको लिंकहरु राखिदिएका छौं । जसको सहयोगबाट भिसा प्रमाणीकरण गर्न सक्नुहुन्छ ।