प्रवासी नेपाली समन्वय समिति (PNCC) नेपाली आप्रवासी कामदारहरूको अधिकारको संरक्षण र प्रवर्द्धनमा समर्पित गैर-नाफामूलक, गैरराजनीतिक, गैर-सरकारी सामाजिक संस्था हो। खासगरी खाडी मुलुक, मलेसिया र मध्यपूर्वका देशहरूमा पिडामा परेका आप्रवासी कामदारहरूलाई हरसम्भव सहयोग उपलब्ध गराउने उद्देश्यका साथ सन् २००९ मा फर्किएका आप्रवासी कामदारहरूले नेपालमा स्थापना गरेको संस्था हो ।

PNCC यसको अत्यधिक भरपर्दो र जवाफदेही सेवाको लागि परिचित छ, जुन समयमै र कष्टमा परेका आप्रवासीहरूको आवश्यकता अनुसार सहयोगमा तत्पर रहेको छ । यस संस्थाको मलेसिया, कतार र अन्य खाडी मुलुकहरुमा फराकिलो र स्थापित नेटवर्क रहेको छ । PNCC ले विदेशमा रहेका नेपाली आप्रवासीहरूको लागि उद्धार र समर्थन संयन्त्रको विकास गरेको छ । PNCC ले हजारौं नेपाली आप्रवासी कामदारहरूलाई उनीहरूको कठिन परिस्थितिमा सहयोग प्रदान गरेको छ । वर्षौंदेखि पीडित आप्रवासी कामदारहरूलाई प्रदान गरिएको मानवीय सहयोगले PNCC लाई आप्रवासी कामदारहरूका लागि सबैभन्दा भरपर्दो र समर्पित संस्थाको रूपमा राष्ट्रिय र अन्तर्राष्ट्रिय क्षेत्रको अग्रभागमा स्थापित गरेको छ ।

त्यस्तै PNCC नेपाल र गन्तव्य देशहरूमा विभिन्न कूटनीतिक नियोगहरू, एजेन्सीहरू, व्यक्तिहरू र सरकारी निकायहरूसँग जोडिएको छ, जसले आप्रवासीहरूलाई समयमै र प्रभावकारी रूपमा संकटमा परेकाहरूलाई सेवा प्रदान गर्ने प्रभावकारी नेटवर्कको रूपमा काम गर्दछ ।