वैदेशिक रोजगार अभिमुखिकरण (Orentation)

वैदेशिक रोजगार अभिमुखिकरण (Orentation) 1636 views

नेपाल सरकारले बैदेशिक रोजगार व्यवसायलाई प्रवर्द्धन गर्न, सो व्यवसायलाई सुरक्षित, व्यवस्थित र मर्यादित बनाउन तथा बैदेशिक रोजगारमा जाने कामदार र वैदेशिक रोजगार व्यवसायीको हकहित संरक्षण कार्य गर्ने प्रयोजनको लागि बैदेशिक रोजगार बोर्डको व्यवस्था गरेको छ ।बैदेशिक रोजगार ऐन २०६४ को दफा ३८ मा भएको व्यवस्था बमोजिम यस वोर्डको गठन भएको हो । वोर्डको नियमित कार्य संचालन गर्न बैदेशिक रोजगार वोर्डको सचिवालय छ । श्रम रोजगार तथा सामाजिक सुरक्षा मन्त्रीको अध्यक्षता रहने यस वोर्डमा उच्च पदस्थ सरकारी अधिकारी, बैदेशिक रोजगार व्यवसायी, ट्रेड युनियन, बैदेशिक रोजगार विज्ञ र यस क्षेत्रमा कार्यरत संस्थाहरको प्रतिनिधित्व रहने व्यवस्था छ । हाल वोर्डमा अध्यक्ष सहित २५ जना सदस्यहरु हुन्छन् ।

वैदेशिक रोजगारमा जाने श्रमिकले वैदेशिक रोजगार बिभागमा सूचिकृत तालिम प्रदायक संस्थाबाट अनिवार्य पूर्व-प्रस्थान अभिमुखिकरण तालिम लिएर त्यसको प्रमाणपत्र लिनुपर्छ । एक पटक यस्तो तालिम लिएर वैदेशिक रोजगारमा गएका श्रमिकले सोहि मुलुकमा कामका लागि जाँदा पुन:अभिमुखिकरण तालिम लिनु पर्दैन ।