वैदेशिक रोजगारमा जाने कुनैपनि नेपाली कामदारले अनिवार्य रुपमा म्यादी जीवन बीमा गरेर मात्र श्रम स्वीकृति लिन पाउने नियम छ । वैदेशिक रोजगारीका लागि जाने कामदारले उसको उमेर र काम गर्नै अवधिका आधारमा यो प्रकारको बीमा गर्ने गर्छ ।

यस प्रकारको बीमा गर्दा राहदानीको स्क्यान कपी, नागरिकताको स्क्यान कपी, एक प्रति पासपोर्ट साईजको फोटो स्क्यान गरेर अपलोड गरेर गर्न सकिन्छ । ईसेवा र खल्तीमार्फत अनलाईनबाट बीमा गर्न सकिने सुविधा छ । कम्पनीको वेबसाईटबाट नै बीमा भएको नभएको हेर्न पनि सकिन्छ । यस्तै बीमा अवधि पनि हेर्न सकिन्छ । साथै वैदेशिक रोजगारको श्रम स्वीकृति पाएपछि वैदेशिक रोजगार बिभागको वेबसाइटमै आफ्नो पासपोर्ट नम्वर हानेर आफ्नो बिमा पोलिसी नम्वर र बीमा गरेको बीमा कम्पनिको समेत जानकारी लिन सकिन्छ । यस प्रकारको बीमाका बीमाङ्क रकम १० लाख रुपैयाँको हुन्छ । 

कति लाग्छ खर्च ?

वैदेशिक रोजगर म्यादी बीमा गर्दा लाग्ने बीमाशुल्क सो व्यक्तिको उमेर र काम गर्ने अवधि अर्थात बीमा अवधिका आधारमा फरक-फरक हुन्छ । बीमा प्राधिकराणले तोके अनुसार उमेर समूह अनुसार चार फरक-फरक शुल्कमा बीमा गरे बापत रकम तिर्नुपर्छ । 

१८ बर्षदेखि ३५ वर्ष समूहका व्यक्तिहरुका लागिः

१ वर्ष अवधिको बीमा शुल्क: रु. १,४००/-

१.५ वर्ष अवधिको बीमा शुल्क: रु. २,२२९/-

२ वर्ष अवधिको बीमा शुल्क: रु. २,६४६/- 

२.५ वर्ष अवधिको बीमा शुल्क: रु. ३३०८/-

३ वर्ष अवधिको बीमा शुल्क: रु. ३,५२४/- 

३.५ वर्ष अवधिको बीमा शुल्क: रु. ४,१११/-

४ वर्ष अवधिको बीमा शुल्क: रु. ४,४२३/- 

४.५ वर्ष अवधिको बीमा शुल्क: रु. ४,९७६/- 

५ वर्ष अवधिको बीमा शुल्क: रु. ५,५४८/- 

५.५ वर्ष अवधिको बीमा शुल्क: रु. ५,६६३/- 

६ वर्ष अवधिको बीमा शुल्क: रु. ५७२८/-  

६.५ वर्ष अवधिको बीमा शुल्क: रु. ६,२०५/- 

३६ बर्षदेखि ५० वर्ष समूहका व्यक्तिहरुका लागिः

१ वर्ष अवधिको बीमा शुल्क: रु. २,१७५/-

१.५ वर्ष अवधिको बीमा शुल्क: रु. ३,२६३/-

२ वर्ष अवधिको बीमा शुल्क: रु. ३,६२५/- 

२.५ वर्ष अवधिको बीमा शुल्क: रु. ४,५३१/-

३ वर्ष अवधिको बीमा शुल्क: रु. ४,९३०/- 

३.५ वर्ष अवधिको बीमा शुल्क: रु. ५,७५२/-

४ वर्ष अवधिको बीमा शुल्क: रु. ६,०९०/- 

४.५ वर्ष अवधिको बीमा शुल्क: रु. ६,८५१/- 

५ वर्ष अवधिको बीमा शुल्क: रु. ७,१०५/- 

५.५ वर्ष अवधिको बीमा शुल्क: रु. ७,८१६/- 

६ वर्ष अवधिको बीमा शुल्क: रु. ८,४११/-  

६.५ वर्ष अवधिको बीमा शुल्क: रु. ९,११२/- 

५१ बर्षदेखि ६४ वर्ष समूहका व्यक्तिहरुका लागिः

१ वर्ष अवधिको बीमा शुल्क: रु. ५,०७६/-

१.५ वर्ष अवधिको बीमा शुल्क: रु. ७,६१४/-

२ वर्ष अवधिको बीमा शुल्क: रु. ८,२५०/- 

२.५ वर्ष अवधिको बीमा शुल्क: रु. ९,०६३/-

३ वर्ष अवधिको बीमा शुल्क: रु. ९,५७०/- 

३.५ वर्ष अवधिको बीमा शुल्क: रु. ११,१६५/-

४ वर्ष अवधिको बीमा शुल्क: रु. १२,०३५/- 

४.५ वर्ष अवधिको बीमा शुल्क: रु. १३,५३९/- 

५ वर्ष अवधिको बीमा शुल्क: रु. १४,५००/- 

५.५ वर्ष अवधिको बीमा शुल्क: रु. १५,९५०/- 

६ वर्ष अवधिको बीमा शुल्क: रु. १६,८२०/-  

६.५ वर्ष अवधिको बीमा शुल्क: रु. १८,२२२/- 

६५ बर्षदेखि माथि समूहका व्यक्तिहरुका लागिः

 ६५ बर्ष भन्दा बढी उमेरका व्यक्तिहरुका लागि बीमा कम्पनीले तोके अनुसार प्रिमियम मूल्य कायम हुन्छ । तर, ५१ देखि ६४ वर्ष उमेर समूहलाई लाग्ने मूल्यमा ५० प्रतिशत भन्दा बढी थप गर्न कम्पनीले पाउँदैनन् । 

उक्त सबै समूह र उमेरको प्रिमियम मूल्यमा घातक रोग वापतको थप ४०० रुपैयाँ प्रिमियम शुल्क लाग्छ । जस्तै, १८ वर्षको उमेरका एक व्यक्तिले १ वर्षको लागि यस प्रकारको बीमा गर्दा १४ सय ८६ रुपैयाँमा ४ सय थप हुदाँ १८ सय ८६ रुपैयाँ प्रिमियम तिर्नु पर्ने हुन्छ । यसरी गरिएको बीमाको अवधिभित्र व्यक्तिको कुनै दुर्घटना तथा मृत्यु भएमा सो बमोजिम दावी भुक्तानी कम्पनीले दिने गर्दछ । दुर्घटनाको सन्दर्भमा कस्तो प्रकारको दुर्घटना, शरिरको कुन भाग तथा अंगमा कति क्षति भयो लगायत विभिन्न कुराहरुको अध्ययन गरेर कम्पनीले दावी भुक्तानी गर्ने गर्दछ ।