◊ प्रश्न:  'वैदेशिक रोजगार' सामाजिक सुरक्षा कोषमा कस्ता व्यक्तिहरु सहभागी हुन सक्छन् ?

→ उत्तर:  यस योजनामा वैदेशिक रोजगारमा रहेको श्रमिक र विदेशमा स्वरोजगारमा रहेका व्यक्ति सहभागी हुन सक्ने छन ।

◊ प्रश्न:  यस योजनामा सहभागी हुन निवेदन कसरी दिने ?

→ उत्तर:   कोषको कार्यालय वा कोषले तोकेको निकाय, कार्यालय वा कोषको अनलाइन प्रणालीबाट निवेदन दिन सकिन्छ ।

◊ प्रश्न:  विदेशबाटै सुचिकृत हुन निवेदन दिन सकिन्छ की सकिदैन ?

→ उत्तर: वैदेशिक रोजगारमा रहेका व्यक्तिले वैदेशिक रोजगार विभागको वेवसाइट feims.dofe.gov.np मार्फत र विदेशमा स्वरोजगारमा रहेका व्यक्तिहरु तथा EPS प्रणाली मार्फत हाल श्रम स्वीकृति लिएर दक्षिण कोरिया जानुभएका व्यक्तिहरुले सामाजिक सुरक्षा कोषको sosys.ssf.gov.np मार्फत कोषमा सुचिकृत हुन सक्नेछन् । 

◊ प्रश्न:  वैदेशिक रोजगार विभागको वेवसाइट (DOFE) मार्फत कोषमा सूचिकृत भएका व्यक्तिहरुले नियमित योगदान रकम कसरी जम्मा गर्न सकिन्छ ?

→ उत्तर: वैदेशिक रोजगार विभागको वेवसाइट मार्फत सामाजिक सुरक्षा कोष (SSF) मा सूचिकृत भएका श्रमिकहरुले कोषको योगदानकर्ता पोर्टलमा लग इन गरी नियमित योगदान रकम जम्मा गर्न सक्दछन् ।